一代港隊中場羅繼華，在綠茵場的十四年裏，見證本地球圈由興盛變衰落。現年三十二歲的他，雖然無悔當初選擇足球為職業，但面對狀態下滑這種殘酷現實，「阿雞」正考慮抽身淡出球圈。
「足球圈係好現實嘅，冇能力就冇生存空間。雖然我今年只係三十二歲，繼續踢應該冇問題，但足球始終唔可以踢一世；加上覺得自己再冇進步空間，係時候抽身離去，開始人生另一階段。」羅繼華被問及掛靴事件時回應。
目前擁有亞洲足協C級教練證書的羅繼華，表示就算掛靴後仍不會選擇教練工作，他說：「香港地有教練資格嘅人好多，自己英文唔好，好難同人爭。未來我好想喺足球以外嘅地方發展，好似暑假期間我會喺官生（愉園足主官永義）公司學嘢，嘗試辦公室工作。」
在麗新出道，九二年在東方成名的羅繼華，九七年加盟愉園後為球隊奪得多項重要錦標。十四年的球員生涯「阿雞」無怨無悔，他說：「目前球巿已經衰到貼地，就算我最後選擇離開，我都好希望球巿唔好再衰落去。只要大家齊心，球圈將來一定會有再見光明嘅一日。」
文：李勇明
