「我真係自視過高，一直以為自己可以搵到嘢做，所以唔想去申請綜援，點知𠵱家搞到租又冇得交、食都冇得食。」四十六歲的光叔頹喪地說。
原職茶餐廳侍應的光叔，近兩年多以來過着「吊鹽水」般的生活，只能間中做替工，一個月能夠開工五、六天已算不俗，惟去年十一月至今未曾「開齋」。他已不時前往勞工處搵工及託朋友介紹，惜卻沒有回音。
「我去勞工處睇啲招聘廣告，請個侍應都要至少中三程度，有啲甚至要求中五，我得小學程度，年紀又唔細，加上近排又有非典型肺炎，更加難搵。」光叔拿着一叠在勞工處影印的招聘廣告說。
單身的光叔，被房屋署安排與另外兩名單身男士居於同一公屋單位，月租雖只五百多元，但他已有兩個月沒有交租，房署已向其發出警告信；另外，電話費、煤氣費及水費均已過期未繳。
「𠵱家我每日都係食白粥同埋麵包，身上已經冇乜錢，我最擔心係連出去搭車搵工嘅錢都冇，就算好彩搵到工，都要做夠一個月先有糧出。」光叔一語道出失業人士進退兩難的困境。蘋果日報慈善基金有見光叔的情況，撥款三千五百元予他，暫解其生活困難。
捐款編號：C0954
暖流熱線
電話：29908688
傳真：23702192
電郵：
網址：