證監會噚日公布股東權益小組成員名單，八方睇見有三個新成員，其中最特別係名嘴鄭經翰，睇嚟證監會係想將股東權益小組變得更大眾化，因為本來已有「金融界長毛」DavidWebb同埋散戶明燈陳永陸，今次加埋專為小市民請命嘅鄭大班，呢個小組將非常具「公信力」。
至於其餘兩位新人都係金融業人士，分別係Prudential投資董事張正樑同香港財經分析師學會會長麥勤創。最特別嘅係戴志華亦係該小組成員之一，但佢今次不獲委連任，即六月十七日起不再係小組成員；呢位戴志華係鬼佬，乃公司秘書會嘅人，同剛剛俾警方拘控嘅均來集團董事總經理戴志華無關，只係同名同姓。
傳真︰2623-9278
電郵︰