憑扮Cookies而為人所認識的八男騎呢組合Aunties，日前一同穿上暴走鞋大跳《心急人上》。Aunties揚言當年黎明宣布不領獎曾使他們心碎，但見到Cookies後即重燃希望，並立志變成餅男。
由八位理工大學生包括吔媽爹、民宿、八神、失憶、BB仔、賤佬、Lock及Five所組成的騎呢組合Aunties，因扮Cookies九餅而受唱片公司青睞，將於暑假推出EP正式進軍樂壇，日前Aunties在將軍澳接受本報訪問時，更大展舞技，盡騷扮鬼扮馬功夫。
Aunties當日腳踏暴走鞋，穿上清一色的白恤衫及灰長褲，以校園look大跳九餅成名曲《心急人上》，又同場加映模仿韓國天后札志胤跳《成人禮》，八人又唱又跳，帶點雞手鴨腳，十分惹笑。
Aunties表示他們會繼續走搞笑路線，對於八個男人扮Cookies起家，吔媽爹解釋說：「當年黎明話唔攞獎之後，我哋即刻心碎，覺得香港樂壇冇晒希望，直到舊年Cookies出咗嚟，呢隊少女組合好有魅力，未試過咁震撼㗎，如果我哋做到其中一個就好啦，等同於參選港姐。」所以Aunties才決定扮Cookies，為自己帶來新希望。
不過，Aunties揚言未有想過在樂壇佔一席位，唯一的假想敵便是豹小子。而早前他們已錄好新歌《扮晒嘢》，歌詞中還提及港府和特首董建華，吔媽爹說：「我哋諗到呢個內容，係因為腦海中諗起張如城，佢話晒都係前輩，佢燦爛嘅笑容，婀娜嘅身形同獨特嘅舞姿，帶出佢係幾咁熱愛香港同熱愛生命，我哋都覺得要表揚吓。」
採訪：朱芷瑩
攝影：仇志德
化妝髮型：Umovie.com
