時值炎夏，女仔最渴望的，相信是要以最索的姿態出現人前，所以我們專誠為各位愛美女士，輯錄了一系列美白纖體專輯，令大家扮靚時都能得心應手。怎樣才能變身成索女？不如先參考以下8位又索又靚嘅明星名模，由佢哋齊齊教你幾招迎接夏日的招數，咁日日露手臂、小蠻腰都絕對唔再係問題。
記者：羅惠芬
還記得初出道時的鄭秀文，身形肥嘟嘟，最高峯時體重更高達130磅！畀人批評得多，佢終於決心減肥。「最初減磅，簡直係地獄式減肥，每日只食少少，辛苦又無營養。」𠵱家Sammi的體重已經隱定下來，要做的只是KeepFit：「我𠵱家好少節食，反而會用步行、緩步跑同跳舞呢幾種運動鍛煉身體，燃燒卡路里。」
性感女神朱茵，今個夏天以美白為目標，希望有點轉變。所以佢𠵱家好勤力做護膚，磨砂、美白、防曬等，希望皮膚可以盡快變白，以全新形象示人。
身材方面，她的33D、22、33驕人身材一向保持得唔錯。「我的脂肪集中喺肚腩同手臂位，要戒食一切澱粉質和肥膩食物，加上每日飲大量開水，好快就會瘦。」
減肥後的林嘉欣，的確比以前清減很多。除工作壓力大，拍戲又經常無廁所去，日日忍尿好容易水腫。「我一有時間就會去瑪花搣脂按摩，佢哋重幫我推腸，等我排泄得好啲。𠵱家就算小背心我都敢着，好開心！」
嘉欣還提醒各位女士，食消夜會令身體積下大量脂肪，所以佢最肚餓時都只會渴一杯熱牛奶了事。
「KeepFit我靠去卓悅做Treatment，最鍾意部M6，減肥之餘重有結實作用，所以我手臂位都Firm咗唔少。」此外，阿佘重戒食澱粉質和牛肉，瘦身之餘連皮膚都靚咗好多！
在舞台上性感冶豔的莫文蔚，經常以Tupe-top、迷你裙示人。「我平時係靠運動Keep住個身形，瑜伽就係我至愛。」為求十全十美，Karen更會定期到菲力偉做Treatment，Firming、淋巴引流、香薰按摩等樣樣做齊，幫助排毒兼去水腫。
梁詠琪身段一直Keep得好Fit，全因每次進食時都盡量控制卡路里的吸收。她嘅飲食格言係：多菜少肉、少煎炸食物、不食高脂或高膽固醇的食物、少飲汽水等。
陳嘉容平日經常做運動，她話瑜伽、舉重等，已經很容易出汗，達到排毒KeepFit作用。為了令皮膚結實一點，佢重好勤力做FirmimgTreatment，再配合具結實作用的外用產品，就可以事半功倍。
利嘉兒話，夏天最重要係予人健康感覺，所以佢會好勤力做身體磨砂，令皮膚望落滑不溜手。𠵱家佢用緊Boots士多啤梨磨砂膏，貪佢質地幼細，味道又好聞。其次是Lancome新推出的Soleil自動曬黑系列，也是她近期至愛。