每年六四，維園都有好多熟識嘅面孔，喺燭光之中出現，十四年來，風雨不改。台上嘅李卓人聲嘶力竭地高呼要平反六四，要公民抗命二十三條，又高叫如果被指「顛覆」，就繼續「顛覆」落去，台下就和聲四起，民憤沸騰，老董不可以視若無睹。
而兩位民主派嘅議員，單仲偕同陳偉業就一家大細坐喺台下。單仲偕話，今年六四係假期，個仔唔使返學，所以可以去集會，而大嚿陳偉業就同太太及兩個女出席，悼念六四死難者。
大嚿同八方講，話差唔多年年都同三個女嚟，等佢哋自細知道當年發生咗乜嘢事。涂謹申太太就一個人嚟，因為阿涂人在美國，不過佢好關心有幾多人到場，猛打長途電話問老婆現場情況。
黎樹雄、陳慧兒攝
傳真︰2623-9278
電郵︰