今日係記協三十五周年晚會，各傳媒近日報道沙士表現出色，的確贏到唔少公眾掌聲，但八方近日聽到一個令人好震驚嘅消息，就係為反對二十三條疲於奔命嘅記協主席麥燕庭，早排去外國出席完一個反二十三條論壇後，一返工就唔使做老本行政治新聞，調去做國際新聞。
據八方從港台老友收料，今次Mak姐被調，連佢自己都覺得好突然，不過成件事就真係冇任何表面證據同二十三條有關，因為佢冇降職，冇減人工，而且做外電都係做新聞，除咗心入面有一千個問號外，真係完全冇得拗，所以Mak姐都冇出聲，八方當面問佢，一向敢言嘅Mak姐只係講咗句「不予置評」，咁傳聞係真係假，大家諗諗。
（圖）記協主席麥燕庭
傳真︰2623-9278
電郵︰