夏天靚女愛纖體，不過如果只有身瘦而面唔瘦，總會給人肥的感覺。天生面胚豐滿的人，就更應纖瘦面形，令輪廓好一點，望上去人都清秀點，亦即是現在風靡日本的「小顏」潮流。要纖瘦面形，除幫面部做運動外，亦可依靠市面上的纖面用品，原理跟纖體一樣，有消脂排水功效。瓜子面形再唔係發夢至有喇。
記者：曾順珍 部份攝影：陳偉強
呢支纖面精華是IPSA最新推出的產品，香港就要等到今個月9號先可以喺專櫃發售。喺日本已經有唔少雜誌報道過佢，令佢成為日本妹至愛的「小顏」必備品。纖面精華含茴香、蕺草精華、咖啡因等成份，可促進血液循環，排水腫毒素，分解脂肪，有效擊退雙下巴和BabyFat。而茴香、龍蒿、檸檬、佛手柑、迷迭香等宜人香味，更可刺激腦部交感神經，幫助燃燒脂肪。
頸面精華含PalmitoylPentapeptide-3、維他命C及E、榖胱甘、PentyleneGlycol、尿囊酸、玻尿酸等成份，可以加速皮膚自製骨膠原、減淡細紋、緊膚、抗氧化及保濕等。只要潔淨皮膚後，在頸部塗上精華，然後輕力把精華素推向下巴及兩邊面頰的「V」字位，再塗面及眼部，最後塗上日常用乳霜便可。
MaryQuant呢支BornYesterday都幾神奇，它含有獨特熱溫感應，塗上面後會即時感到微熱，但沖洗後就會清涼無比。它的海藻精華粒子，可消退浮腫鬆弛，提升面部輪廓；成份中的礦物質又能發揮保濕功效，令皮膚保持滋潤光澤。
含脾萃取物、膠原蛋白、彈力纖維、水解黏多醣、羊膜液、蛇麻草、迷迭香、木賊、檸檬、小黃瓜等多種生化天然植物成份，令過勞的皮膚回復生機、減少皺紋及有收緊功效。只要擠出少量，輕輕按摩臉及頸部，再使用保濕霜以確保修護液留在臉上繼續發揮功效便可。
Dior這隻CaptureLift纖容霜，含Bio-Sculptine生物植物緊膚成份，促進細胞製造膠原蛋白纖維能力，還能重整纖維網絡結構，達至緊膚效果。此外，它更有SPF10防曬功能，保護皮膚免受紫外線侵損。據講用後8天，已經可以感到皮膚有改善，一個月後膚色更均勻，輪廓更緊緻。
成熟皮膚最好用ORLANE呢隻緊緻精華素。它有緊膚蛋白精華、彈力複合元素、排毒複合元素、維生素C及B21活性能量複合元素，有效收緊及平滑皮膚、防止膠原蛋白受損、排走多餘水份和毒素、分解脂肪，令皮膚亮澤和滋潤富彈性。
有纖面精華用品，都要懂得按摩手法，才可以令營養有效送到皮膚內，締造更好效果。