時值經濟不景，大家都會節衣縮食去度過難關。對女性來說，甚麼都可以慳，惟獨是扮靚護膚錢就點都要使。唔想花太多錢買護膚用品去美白肌膚，大可以用天然材料，自製美白用品。此外，對扮靚好有研究的陳淑蘭（蘭子），亦大方公開她的自製護膚品心得，令大家可以用最便宜的價錢，得到最靚的皮膚。
記者：羅惠芬、梁珮瑜
攝影：陳盛臣、黃子偉
模特兒：LeaChan
本身好貪靚的陳淑蘭，有一段時間乜都敢試，例如爭住試別人覺得好的護膚產品，又試過學人食胎盤素。不過，最大鑊的一次，是用護膚品用到爛面，最後她要食足成年醫生開的避孕藥，靠改變體內荷爾蒙才慢慢痊愈，不過皮膚就再難回復以前般白滑。
這個經歷令蘭子對試新嘢怕怕，就算試都只會揀天然產品，貪其傷害性低。
粗鹽可以當成天然磨砂材料，相信好多人都知。蘭子就覺得，最好加埋檸檬一齊用，可以去死皮兼美白。她會將一個檸檬沾上粗鹽，然後直接在手踭、膝蓋及腳踝位摩擦，因為這些位置的皮膚通常偏黑，用檸檬就可以減淡黑色素。
不過粗鹽在坊間還有另一個美白用途，就是加埋橙皮一齊用，同樣都可把手踭及腳踭等凸出難看的死皮去淨！
材料：
一份天然鹽、一份橙皮茸（以橙皮磨成）、數滴橄欖油
橄欖油含維他命A、D及E等，可滋潤粗糙皮膚。橙皮含維他命及有磨砂作用，更具清香味道。
蘭子大力推介這個潔面方法，因為米含有氨基酸、無機鹽、糠油、胚芽等成份，不但可以去除面上多餘油脂，還有美白作用。最好用第一次的洗米水清洗面部，之後再用水洗乾淨。由於洗米水不含任何防腐劑，加上性質溫和，所以特別適合敏感性皮膚人士用。這個方法慳得來又有效，大家不妨試試。
綠茶含有豐富維他命C及E，有抗氧化功效，可以改善黑色素沉澱、淡化雀斑，令皮膚回復白皙。此外，綠茶具殺菌作用，收縮毛孔，改善粉刺化膿等。
材料：綠茶茶包一個、面膜粒子
製法：先用綠茶茶包浸泡出綠茶，再將面膜粒子放入茶內，待綠茶滲透面膜後，敷在潔淨的面上15分鐘，然後再塗上面霜便可。
製法：把適量檸檬汁加入蛋白，攪勻，敷約15分鐘後洗面。檸檬汁一向都有美白作用，不過最好不要單獨使用，以免其酸性會對皮膚起副作用。這個方法嘅美白效果唔錯，但蛋白就會有點黐𣲷𣲷的感覺。
不妨多喝含富維他命C的天然美白果汁，能幫助加速新陳代謝，把沉積在皮膚中的黑色素排出體外。
製法：將1個番茄及適量菠蘿、去皮檸檬，放進攪拌機打成果汁，隔渣後可依個人口味加入少許蜂蜜拌勻飲用。以上材料含豐富維他命C，尤其番茄中的茄紅素更是美白產品中的常用成份，蜂蜜亦含維他命B1與B2，具滋補之效。