SARS啟示：珍惜親人
關心妍時時撒嬌母女情深

關心妍最近接受一本少女雜誌訪問，表示很少時間跟母親相處，加上近幾月非典型肺炎爆發，故她學懂珍惜親人，一有空與媽媽相聚，便會撒嬌增進母女感情。

近日關心妍為新一期少女雜誌《COSMOgirl》拍攝封面照，在訪問中她談到近年唱歌事業發展如意，工作接踵而來，但她也很珍惜跟家人共聚天倫的時間。

分開生活十載
關心妍和胞兄早年在加拿大讀書，而母親則在香港不停工作，一家人要分隔兩地。關心妍說：「我同媽咪計起嚟有十年冇一齊生活過，所以呢幾年返咗嚟香港生活，我好珍惜同媽咪嘅相處時間。不過入咗行之後，工作都好忙，如果陪唔到媽咪，我會叫佢去行街，睇到啲鍾意嘅嘢就買。」

「想擁抱都唔得」
另外，關心妍覺得非典型肺炎爆發後，她更學懂珍惜身邊人，她說：「我怕唔珍惜身邊人，將來會後悔，好似醫院嘅病人，佢哋可能好富有，但因為病咗乜嘢都做唔到，想見嘅人又唔喺身邊，想同人擁抱都做唔到，𠵱家有機會我都會同媽咪詐吓嬌㗎！」
平時關心妍跟母親是無所不談，她說：「我會問媽咪對我工作嘅睇法，佢都會畀中肯嘅意見，佢又會講吓佢擔心嘅問題，我會盡量令佢放心。」
撰文：比華利