相信毋須多講，有好多車迷都曉得奧迪部全新A8豪華轎車，而此車亦快將登陸香港。然而，當眾人眼光放響部車身上嘅同時，亞Mark卻不以為然。查實，奧迪近年銷售成績斐然，除卻品牌同名人效應，以及獲得車迷支持外，其實一班幕後功臣亦功不可沒㗎！亞Mark所指嘅，咪係一班汽車傳媒叫開Jackie（正名Jacqueline）所負責嘅MarketingTeam囉！呢位德、中混血嘅鬼妹仔，可謂創意無限又能顧及奧迪嘅應有路線，一直深得領導人葛Sir嘅支持，惟世道無常合久必分，原來早陣子Jackie經已向葛Sir請辭，而葛Sir至今卻一直頭痛緊未有人選可以代替呀！今個月尾奧迪部全新A8正式登場，會係Jackie離開合迪汽車前嘅最後工作，相信一班傳媒朋友定當全力支持，而亞Mark跟Jackie相識於奧迪TTCoupe推出時，亦喜聞佢離開汽車業界前，經已找到一份合意嘅新工作呢！