噚日端陽佳節，悼念中國偉大嘅愛國詩人屈原。點知有啲擦鞋人士就向財爺梁錦松送糭，寓意佢好事接踵而來。有個老友問八方，聽唔聽到有人叫阿松要有屈大夫憂國憂民嘅情操，為己也好，為老董也好，最緊要為港人，也來一個投城門河自盡。
八方於是急急搵到去現場採訪嘅記者問有冇呢回事，但到傍晚都未有人報料，可能噚日喺沙田人頭湧湧，未必收到。
不過，八方另一個老友就話阿松一定唔制，因為佢到今日為止，都認為自己冇犯大錯，極其量係公私太分明，咪第日改囉，唔知你哋做乜咁緊張，重叫佢投河，NoWay。
傳真︰2623-9278
電郵︰