三千Fans要求　奉獻第一次
華仔40"胸破泡彈出　正呀！

劉德華全新廣東大碟日內推出，華仔今次可謂搏到盡，除親自作曲填詞及以多個不同靚仔造型示人，更獻出了他的第一次，就是以赤膊出浴Look示人。

劉德華在即將推出的大碟《如果有一天》中，展現多個不同型仔造型，為配合唱片十首不同歌曲的感覺，特別由歌迷投票，揀選他們心目中最希望見到華仔的造型，結果由華仔的出浴照勝出，在三千位投票者熱烈支持下，華仔獻出他的首次出浴照。

「沖足兩個鐘涼」
拍攝時正值是寒冷的初春，華仔說：「成世人未試過咁凍沖涼，成世人未試過沖足兩個鐘涼，咁長時間，沖到皮都皺。」
華仔為回饋歌迷支持，今次真可謂搏到盡，在他的赤膊出浴照中，他弗到漏的身形表露無遺，四十吋胸肌躍於眼前，工作人員大讚華仔身形有如「倒三角」，十分好看。

腹肌變成一嚿
但華仔竟仍不滿意自己的身形，他說：「演唱會操得最弗時，我有六嚿腹肌，𠵱家冇時間做運動，都變成一嚿啦！我唔覺得自己弗，因為重可以再好啲，只可以話OK囉。」
今次十個不同造型中，除有最搶鏡的出浴照外，還有飛機師、醫生及孫中山等，而唱片公司原定以浴照作唱片封面，最後為了鼓勵購買正版唱片的歌迷，於是便將浴照收藏於唱片內，只有買正版才可擁有。