自世衞解除香港旅遊警告後，港人總算稍稍鬆一口氣。YAHOO雅虎香港就特登搞咗個名為「CheerUp!」嘅專題網站，目標主要係為港人打打氣，網站內收錄最新沙士進展嘅相關新聞，包括政府推行各式方案推動旅遊業、狂歡救市大減價、抗炎禮包送長者等正面新聞，積極鼓勵港人團結及重拾信心，最後重可以揀選合適新聞，以e-Card形式Send畀朋友分享㖭。網站另一實際用途，就係擔當一個中央平台角色，各大小機構均可參與，為市民提供各式消費優惠，又或定時舉辦親子活動等，有興趣嘅人士不妨瀏覽一下呢個「CheerUp!」網站，將好消息傳開去，齊心唱好香港！
記者：徐影龍