蕭正楠和麥浚龍（Juno）前晚在《六樓后座》首映碰面，記者多次要求兩人合照，蕭正楠大方地站在一邊等候，但Juno卻拉着林嘉欣和導演黃真真做擋箭牌影合照，始終不肯單獨與蕭正楠影相。
電影《六樓后座》前晚在灣仔會展舉行首映禮，林嘉欣、盧巧音、蕭正楠、麥浚龍、鄧健泓、導演黃真真、監製黃岳泰等均有出席。近日有傳因為爭唱電影插曲而令不和升級的Juno和蕭正楠，則成為全場焦點，記者要求二人合照，但最後要導演黃真真站在二人中間，才能成事。
Juno前晚到場後，即接受記者訪問，其後蕭正楠亦到場，二人見面卻沒有打招呼，記者邀請二人合照，他們卻找來林嘉欣和黃真真做擋箭牌，記者再三要求Juno和蕭正楠兩人合照時，Juno卻只顧與黃真真寒暄，蕭正楠則在旁呆等，二人在記者多番要求下，Juno正想答應合照之際，剛好監製黃岳泰經過，Juno又即拉着他一齊與蕭正楠影相。
問蕭正楠可有覺得尷尬？他說：「如果記者唔叫我哋影合照，就唔會尷尬，我只希望套戲好，我哋冇嘢，冇尷尬。之前啲報道相信都係為咗宣傳套戲啫。」
Juno則否認不肯和蕭正楠合照，他說：「我見到太多人，泰哥、黃真真、林嘉欣，開心得滯掛住傾偈，我哋拍戲拍得好開心，你哋唔好成日講不和啦，我唔係拉泰哥做擋箭牌，影合照留念好開心，我冇避忌。」另外，早前做纖體公司代言人的林嘉欣則嚷着要減肥，端午節見到糭都不敢食。
此外，Juno昨日往奧海城出席《玩得》MV首播，他表示不介意與蕭正楠合照，但一定不會攬頭攬頸。Juno說：「每個人入行都係想做好自己，我冇需要同人傾偈或者解釋乜嘢。」
採訪：魯萍 攝影：陳志嵐
