香港人自詡嘴刁，但你又知唔知道福建有甚麼地道小食呢？這類地方小吃可能不能登大雅之堂，但一大班friend試試不同的口味，價錢又咁平，何樂而不為呢？
記者：何善華 攝影：陳偉強
雖然每天感染「沙士」個案不斷下降，但食店清潔環境首先做到細菌零感染，除洪太一家成員都戴口罩招呼食客外，所有碗碗碟碟都會經常消毒殺菌，食客大可放心食用。
呢間閩南食館位處的那條街，修車舖頭林立，點都估唔到有間專吃福建菜的食店喺附近；走到食店門檻前，不禁躊躇了片刻，皆因門面的裝修絕不華麗，甚至可能會察覺不到這竟是一家食店，但當你試過這裏的出品，包保你會一試再試。
食館是由老闆娘洪太一家人合力打理經營的。福建籍的洪太自小懂得炮製家鄉小食，她表示香港地雖然有好多來自世界各地的美食，唯獨專做閩南小食的卻少之又少。其實閩南小食既特別又得體，食物多以福建沿岸的水產生物為主要材料，新鮮食味已經令食客更有信心啦！
洪太表示，土瓜灣區是香港最多福建人聚集及居住的地區，在這裏開店，可方便同鄉品嘗家鄉小食，價錢平平哋做自己人生意，更加有親切感，同聲同氣更可消解思鄉之愁。
呢度嘅小食，有不少名稱都係「聞所未聞」，就好似「湯粳」。洪太解釋，原來「粳」與廣東話的「羹」同音，形狀亦與湯羹一樣，「粳」的名稱只是福建地道名詞而已。
先不要讓少見的「粳」字嚇壞，其實形狀與台灣小食的湯羹相似，材料十足，味道新鮮。
店名：千島坊
地址：土瓜灣銀漢街27號地下
電話：22641398
營業時間：7:00am-10:00pm