八方噚日報過阿松嘅新任新聞秘書叫羅志康Laurie，今日再爆埋佢位新政務助理個名，聽講叫做林國強（JackyLum），佢係現任屯門民政事務專員，當然又係AO人馬。
佢兩個會分別接替譚志源同李達志嘅職務。呢兩位仁兄同係九一年加入政府，都係年約三十幾，屬年輕有為之輩。Laurie港大經濟系畢業，去日本前曾喺工業署同規劃環境及地政局任職；而Jacky就係中大英文系畢業，重讀埋MBA，做專員前喺工商局做過。
睇佢兩個嘅資歷，就知合晒財政司辦公室嘅要求，加上兩人都曾派往牛津進修，乃政府重點栽培嘅第四、五梯隊。
據Raymond同李達志之友話，佢兩個一早已經要求調職，今次得償所願，Raymond可以多啲時間陪老婆仔女，李達志就樂見師弟妹上位。
（圖左）林國強將會係阿松嘅新政務助理。
傳真︰2623-9278
電郵︰