決賽第1擊佔地利<br>馬刺瓣瓣掂食硬網隊

決賽第1擊佔地利
馬刺瓣瓣掂食硬網隊

千呼萬喚的總決賽將於周三於聖安東尼奧展開。鑑於得主場之利的馬刺球路多變,前場威力驚人,加上後備兵力雄厚,今回面對過份以逸待勞、或令比賽節奏生疏的網隊,只讓六分抵博,捧上盤明智。(有線ESPN及亞視國際台明日8:30am直播)蘋果波神

馬刺有利因素
1.球路多變兼經驗豐富 –連得兩屆MVP的鄧肯季後賽平均拿下二十五點三分及十點九個籃板,是球隊領軍人物,網隊易於犯規的馬田在大前鋒位置上與他相比稍顯稚嫩;至於大衞羅賓遜雖然表現今非昔比,但其豐富的季後賽經驗應是可用財富,與年輕的積臣哥連斯相比佔盡上風。加上馬刺球路多變,可打游擊可打陣地戰,就連小馬教練尼爾遜亦稱讚馬刺「瓣瓣掂」,論陣容確比網隊優勝。
2.客軍久疏戰陣有隱憂 –提早晉級的網隊共有十日時間休息,雖說可以逸待勞,但卻有久疏戰陣而失去比賽節奏的危機;不要忘記湖人在○一年亦曾休息九天才於總決賽首戰主場迎擊76人,結果卻大熱落敗,網隊要步湖人後塵亦不足為奇。反觀馬刺經歷了太陽、湖人及小馬這三關後,更具惡鬥經驗,而且休息五天亦足以恢復體力。
3.後備兵力遠勝客隊 –馬刺的主要替補球員包括奇勒斯頓、馬歷路斯及真路比利。兩位老將韋利斯及卡爾亦是可用之材,馬刺後備兵力深厚具彈性,遠射能力佳。至於網隊重要後備為夏里斯、艾朗威廉士及諾尼羅渣士,無論貢獻及穩健性明顯遜馬刺一籌。

馬刺不利因素
對賽往績失色 –馬刺近六次與網隊交手錄得二勝四負,當中盤路為一勝五負,得勝率甚低;至於網隊今季季後賽客途七戰以來只輸一場,其間盤路為五勝二負,從此觀之,不排除網隊有輸波贏盤的可能。