端陽佳節扒龍舟，董特首乜嘢節目都可以唔參加，呢一個就一定要捧場。點解？董家靠航運發迹，同船有特別深嘅關係。早前香港喺處理大馬疫船進港一事上，漂亮得體，贏得舉世講文明人道者嘅讚賞，有人就話，特首呢一次咁醒，皆因佢來自航運家庭，對船難特別敏感。
講開董家生意，佢哋名下上市公司東方海外近月股價非常突出，由四月尾五元半升到噚日九元一，差不多一個開。因乜咁醒？有人話係憧憬私有化，亦有人話係因為董生夠公私分明。
要做特首，唔可以做生意。董生呢樣嘢好君真，全香港間間公司佢都有權搞，但一定唔掂得自己家族公司，所以未來四年，東方海外有免疫功能，實冇衰。
傳真︰2623-9278
電郵︰