阿松偷步買車事件沉寂咗一排，政府就靜靜雞定出佢兩位左右手嘅調職日期。噚日有消息話佢位新聞秘書譚志源Raymond會先起身，八方估計政務助理李達志可能遲一步引退，呢啲都係政府嘅一貫做法，所謂風頭火勢，以免被民主派邀功。
至於接替譚志源嘅人選，聽講係香港駐東京經濟及貿易代表羅志康。呢位羅先生據講係好人一個，政務官出身應該都會有番咁上下功夫，但遇上阿松呢類空降同埋「公私咁分明」嘅老細，肯定唔易搞。
Raymond就好似會先放吓假，去向未知。
其實八方都好同情兩位「大小不良」，因為個老頂一上場就乜都搞搞新意思，搞到佢兩兄弟都以為佢乜都掂，最後連老細偷步買車都唔記得提佢，真係罪過。有人就話，今次Raymond代老細揹鑊會記一功，前途一定無限。
（圖）傳聞羅志康會接替譚志源做阿松嘅新聞秘書。
傳真︰2623-9278
電郵︰