潮流興健身，就連劉德華也要在大熱天時，背着六十磅人造肌肉拍攝《健美先生》；但是要成為真正的健美先生，除每日至少三小時的鍛煉外，飲食方面亦要做到戒鹽戒糖。今日找來新鮮出爐「2003全港健美錦標賽」八十公斤以上級別冠軍人馬鄧亮，和大家分享他的健美心得。文：李勇明 圖：黃冠華
記 ：你點解鍾意玩健身？由幾時開始玩？
鄧 ：我今年二十八歲，八年前開始玩健身。開始嘅原因係自己身形好細粒，五呎九吋得六十公斤，希望大隻啲，身形好啲，行出街都較有自信。玩咗八年，𠵱家我嘅體重已經去到九十公斤，唔錯啦。
記 ：你近年攞到唔少獎項，咁成功有乜原因？
鄧 ：我覺得一個好嘅教練真係好重要。記得初初幾年，由於唔係咁識玩，效果完全唔明顯。好彩九九年有朋友介紹識得李立志教練，我重專登去德藝會拜佢為師，多得佢嘅專業意見，○○年我第一次參加比賽就已經攞到全港新秀賽冠軍，全靠李sir。
記 ：今次你參加八十公斤以上組別比賽，最後重攞到冠軍，可唔可以講講你嘅事前預備？
鄧 ：其實我為今次比賽已經準備咗一年時間，喺頭九個月我積極增磅，食多啲高蛋白質嘅食物，好似雞蛋白、雞胸肉，等自己體重上升到九十公斤左右。之後三個月開始收身，我一個星期做六日Gym，每日至少兩個鐘進行負重訓練，一個鐘帶氧運動。飲食方面所有食品要不油、不鹹、不甜，我每朝早餐只係食五、六個薯仔，午餐食唔加鹽嘅魚肉或雞肉，晚餐就食蛋白、蔬菜同水果。呢段期間，我一次出街同朋友食飯都冇。
記 ：𠵱家冠軍已經到手，將來有乜目標？另外，咁多年來，你覺得健美運動畀到乜嘢你？
鄧 ：近嘅目標係今年喺哈薩克舉行嘅亞洲錦標賽，遠嘅係○六年多哈亞運會，希望繼教練李立志後，再為香港爭取一面健美獎牌。而健美除咗畀到我滿足感同自信外，最重要就係可訓練個人嘅毅力同意志，更加可成為終生運動，或做
第1節
向評判擺出向前、向後、向左及向右四個動作。
第2節–7個基本動作
a正展雙二頭肌、b正展雙背闊肌、c側展腹肌、d背展雙二頭肌、e背展雙背闊肌、f側展三頭肌、g正展腹腿肌
第3節
1分鐘自由動作（個人）
第4節
1分鐘自由動作（團體）
