法國先進（Citroen）車廠，繼早年推出Picasso車系大收旺場後，最近外國有消息指廠方正有意於2005年為其推出新版本，並有指新車會以將於明年推出嘅C4車系作藍本㖭！
從預想圖中可以睇到，將以C4車系作藍本嘅新版Picasso，會保留現有圓渾而流暢嘅車身線條，但車頂則改為天幕式設計，不但令車廂變得更開揚，而尾門開關模式，亦改成類似雙層巴士尾冚一樣嘅雙截摺叠式配搭，就算響狹窄嘅停車場，都可以讓你輕輕鬆鬆咁提存尾廂物件。車廂配搭又會極富時代感，而且重好寬敞闊落㖭！同時，該消息又指廠方會為新車提供有多台引擎作選擇，當中包括兩台1.8公升型號，同埋將於2006年推出嘅2.0公升型號，以切合不同用家需要呢！