最近人人都話要留港消費，假日香港遊的團又話迫爆尖沙嘴，又怎能不趁趁熱鬧，飛身響應。不過我就有點奢望：「來一次身在香港但又有異國風情的度假！」算是「望梅止渴」吧。異想天開？原來不！經深入調查，終於讓我發現了幾個「幾可亂真」的扮外國度假點，究竟去「東南亞」、「歐洲」還是「澳洲」？真難取捨！
記者：梁佩芬、招佩珊、陸伊琳
攝影：陳陶鈞、黃子偉、周旭文
Model：Maggie、Linus（Sunspot）、Athia、Cat（9394so.com）
逢星期一至五刊出
東南亞一直都是港人的熱門度假地，當然陽光海灘、椰林樹影最吸引，香港雖然都有不少海灘，但大都人山人海，完全找不到悠閒Feel。那你就不要老貪方便，走遠點！大嶼山望東灣，交通不太方便，但就熱帶情調、寧靜悠閒，有齊！
去望東灣最「便捷」的方法是在長洲乘街渡前往。慢船到長洲，一小時，再在碼頭旁轉街渡，因為逆流關係，又得花上四十五分鐘。這天我們的探路隊伍人人都坐到發呆，頻頻問船家：「到未呀？前面嗰排屋係唔係？」船家就不時答：「再轉多個彎就到！」
終於，經過近兩小時航程，才抵達望東灣！映入眼簾的，是處處棕櫚樹影，海灘水清沙幼。離碼頭不足一分鐘腳程，就找到灣上唯一的度假屋。說真的，這裏最有外國Feel的要算是屋外的露天茶座，但就勝在灣內跟本沒有其他居民，是個純度假的地方，而度假屋的客房也只有六間，喧囂吵鬧也難成氣候，在樹陰下悠閒地聊天，一邊眺望碧海藍天，真有幾分像峇里的度假村！
本來長途跋涉後已有點疲態的探路隊成員，一見熾熱陽光，已急不及待，除下短裙牛仔褲，換上三點式，穿上沙龍裙，加頂草帽拎把扇，一於當自己身處東南亞某小島！
地址：大嶼山望東灣
電話：90982927
價錢：平日$600/房，假日$800/房，最多可容納六至八人，屋內可煮食。
交通：乘渡輪往長洲，再轉街渡往望東灣，價錢每位$10。
Maggie及Linus兩小口子，就一直鍾情歐洲，所以他們向我推介的，正是本地老翻歐洲風情！Maggie本來就是堅定的歐洲擁躉，除了大出血購物外，最愛就是當地那種帶點華麗堂皇的古典味！早就旅行癮發作的Maggie，早前終於把心一橫，決定去歐洲……Feel嘅酒店，盡情玩番一晚！
終於，他們發現了位於大潭的陽明山莊最豪氣，尤其那個古羅馬式泳池！一入內，兩人不約而同「嘩！」，好貴氣，古羅馬式設計游泳池，一幅十呎闊的中世紀油畫、羅馬神像、古典陳設，充滿文藝風格，又豪又有文化氣息！室內泳池，唔使曬又有衡溫設備，啱晒皮膚滑滑的Maggie。於是就日游夜游，自我催眠，算是滿足歐遊的一大需求。
費用：$1,380單人、$1,480雙人
包括：一晚住宿、美式早餐、會所設施、羅馬泳池、健身室及卡拉OK房
備註：需於24小時前於網上預訂，各種球類活動另外收費
電話：28123456/28123808
個人就覺得，最有外國Feel的酒店，非屯門「黃金海岸」莫屬，不但名字跟澳洲著名的度假勝地一樣，連長長沙灘、風帆於海上飄揚情況也似十足，加上假日在廣場內的跳蚤市場，專售藝術精品，又很有外國遊客區的味道。朋友打趣對我說，黃金海岸是他與老婆的蜜月勝地，那時我笑他「孤寒」，他就爭辯：「又冇長假期，又想慳慳地歎番吓，去黃金海岸都唔錯！」及後他「蜜月」歸來，老婆不但沒有投訴他縮骨，反而很滿意其安排。真估不到，慳慳哋，也可以當正去外國浪漫一番！
費用：平日$738、星期六、公眾假期及其前夕$938
包括：兩位成人及一位11歲以下的小童早餐及住宿
*優惠期至7月17日
電話：24528833