繼早前豐田Corolla首先發難，推出Facelifted新版後，緊隨而來又有本田Civic；而響嚟緊嘅周末，日產代理又會替Sunny展現全新Facelifted新版呢！據亞Mark所知，今趟新Sunny並非舊有出口東南亞嘅版本，而係套用咗東瀛本土版BluebirdSylphy嘅車殼，跟中國國內生產嘅「陽光」可謂同出一轍。新車賣相看來修長大體，有低重心低腰線嘅布局外，佢重用上全新鬼面罩、四圓投射大燈、直立式尾燈同時款合金軨㖭！其次，聽聞座艙亦滲入有不少豪華裝飾，既有悅目表板同動感非常嘅四幅式軚環配搭，而車廂四周門壁同中控台，重鑲有瑰麗嘅桃木㗎！經重新調校後嘅一台1.5公升偈，馬力提升至109匹，而扭力亦調校至14.6kgm。然而，新車至突出會係佢嘅操控性及循迹力，相信滲入有唔少歐洲車科技呢！若然各位對呢部Facelifted新版Sunny有興趣的話，就記緊響嚟緊嘅周末，去日產Showroom睇吓喇！