近呢幾個月因為沙士肆虐，全城要搞清潔運動，食環署署長梁永立日日掛住捉垃圾蟲同洗舊樓，同時重要大舉滅蚊預防登革熱，搞到佢講嘢時「貓」、「蚊」不分，認真搞笑。
好似佢噚日呼籲食肆老闆注意衞生，咪搞到啲「老鼠大過隻貓」，但佢就衝口而出話「老鼠大過隻蚊」，可見得佢幾怕啲蚊呢！
梁生噚日同傳媒茶敍，一齊食吓糭提早過端午，佢話自己怕曱甴，如果見到曱甴就會叫太座搞惦；佢重話𠵱家政府同八百幢舊式唐樓清洗，就好似做facial一樣，先做深層清潔，日後住戶如果要用「SKII」或者乜嘢名牌化妝品，就要自己負責嘞。
梁生對女士美容用品咁熟悉，又咁怕曱甴，睇怕喺屋企都係梁太話晒事咯。
﹙圖﹚梁永立因為掛住滅蚊，錯口講咗句「老鼠大過隻蚊」。
傳真︰2623-9278
電郵︰