何潤東昨日在東京出席電影《幪面超人555》的記者會，雖然他在片中扮演奸角，但由於他是三十三年以來首位扮演幪面超人的「外國人」，因此甚獲在場日、港、台記者注目，風頭更蓋過主角。
台灣歌手何潤東昨日在日本東京，出席電影《幪面超人555》的記者會，開場前三個新一代幪面超人更表演助興，而何潤東未出場已成為全場焦點。負責製作的東映電影公司製作部總經理坂上順說：「係我親自推薦何潤東畀影片監製，希望大家多多關照佢！」
而身為三十三年來首位「外籍」幪面超人的何潤東，先用日文向記者說：「我嘅第一部日本電影係《T.R.Y.》，而《幪面超人555》就係第二部。」然後他用國語續說：「好榮幸能夠成為第一個外國人演幪面超人，因為佢歷史悠久，又係日本文化一部份。我嘅角色雖然係奸，但佢唔係殺人放火，只係立場同幪面超人555唔同，所以希望大家留意我嘅角色。」
由於何潤東仍未拍攝其戲份，因此與同場拍檔有點陌生，但他仍主動伸手扶女拍檔落台。即使傳媒焦點落在何潤東身上，但主角半田健人大方地說：「雖然我哋未拍對手戲，但我會以挑戰者心情同佢擦出火花。」
影片在周日開始，招募一萬名臨時演員參演此片的高潮打鬥場面，一日間已有二萬五千人透過電郵應徵，十分誇張。
特約記者森林檎東京直擊
