林子祥（阿Lam）上周五在汪明荃的演唱會跌傷，其妻葉蒨文連日在醫院陪伴。葉蒨文昨日接受電台訪問時，大爆阿Lam自入院後一直沒有更換內衣褲，且沒有洗澡。
林子祥日前在汪明荃演唱會失足，跌落八呎深的升降台機關受傷，他仍在法國醫院留醫，太太葉蒨文一直留在阿Lam身邊，悉心照顧。經過幾天治療，阿Lam的情況穩定，並已轉到普通病房。葉蒨文昨日接受商台電話訪問，大談阿Lam的病況，她還大爆丈夫入院至今，一直只穿着表演那夜的衣服，不肯替換，留院這幾天亦沒有替換內衣褲，只是葉蒨文為他抹身清潔。
葉蒨文透露阿Lam昨日已嘗試下床活動，她說：「阿Lam重有少少暈，但今日已落床去洗手間，佢已轉咗去普通病房，重張張床試過。阿Lam日日嗌出院，但要等醫生安排。」葉蒨文又說：「佢要打止嘔針、止腫針同止暈針，右邊頭部嘅血似一片橙咁大，移咗位嘅腦都移番正，但佢耳仔聽嘢似坐飛機咁有壓力，細聲咗啲，醫生話可以變番以前個林子祥。佢𠵱家重精咗，嗰晚嘅嘢就唔記得清楚，話記得唱唔晒隻歌，佢見到報紙知道自己跌落去，重問點解會咁。」
阿Lam受傷後一直未肯更衣，葉蒨文說：「佢入院時我見佢成身汗，但一直唔肯除衫（指更換衣服），佢性格好固執，佢都冇換底衫褲同冇沖涼。我就同佢抹身，佢今日用電牙刷刷牙。」那阿Lam可有剃鬚，葉蒨文說：「冇人可以剪佢啲鬚，佢今日用電鬚刨修剪。」
此外，問到葉蒨文可有為阿Lam這次意外怪任何人，她表示自己都曾在家中開櫃時弄傷頭部，葉蒨文說：「我自己嗰次受傷後，都盡量唔好咁急，意外嘅嘢唔怪得人，呢次就當考驗。」經過這次意外，葉蒨文表示會盡快買保險。