有線娛樂台播出林子祥失足跌落升降台的整個片段，昨日香港電台第二台主持曾智華在節目《晨光第一線》中，質疑有線為何不將該片段放於新聞台播放，又認為得到此片段不作宣傳是「捉到鹿唔識脫角」，同時由於該片段無綫與亞視都沒有，故質疑片段來源，並聲稱要問一問有線執行董事徐小明。
徐小明昨晚接受本報電話訪問時說：「我專誠上網聽番曾智華個節目，覺得佢嘅態度好奇怪，我等咗成日，都冇收過佢嘅查詢電話。我哋派員去拍攝，係製作單位邀請，曾先生做呢行咁耐都唔知行情，真係有啲奇怪。佢問有線點解有條片，點解唔問無綫點解冇呢？有呢條片係因為個同事勤力，由頭到尾roll住機。至於新聞部播唔播，取捨係新聞部自己決定。話我哋唔做宣傳，唔通我哋賣報紙廣告？而且我哋亦唔可以攞呢樣嘢嚟做賣點，呢個係對藝人嘅尊重。」有線娛樂新聞台總監余詠珊亦說：「我覺得曾智華冇求證過我哋就咁講好荒謬，完全唔負責任。」
