曾任外滙基金諮詢委員會委員嘅港大經濟金融學院名譽教授饒餘慶，最近撰文狠批金管局薪酬、管治有問題，又直接鬧該局自我吹噓。饒老為本港經濟學界名宿，聽聞以往亦與任總相見甚歡，教授突然老馬有火，令不少市場人士丈八金剛。
饒老篇大作，噚日成為立法會討論金管局管治安排時，劉慧卿盤問嘅尚方寶劍，身經百戰嘅任總亦早有準備，一方面多謝卿姐成日關照金管局，又指學者意見唔止得饒老一人，其他如Goodhart教授亦對該局表現讚譽有加，不過三十五年前曾係饒教授高足嘅任總，不忘尊師重道，笑笑口話：「俾老師教訓一兩句，應該嘅！」
對於饒老話金管局鍾意搞公關宣傳自己，任總好似好委屈，一語雙關咁話，唔知何謂公關工作。但講到做PR，「咁多公職人員中，我都算係最差一個」，唔知任總認為邊個好過佢呢？
傳真︰2623-9278
電郵︰
