有翻版鄭秀文之稱的趙頌茹（阿Yu），一向給人很cool的感覺。原來她小時候曾被老師指患上自閉症，成日喊被懷疑受父母虐打。一向獲父母寵愛有加的阿Yu，因為適應不了和剛出世的妹妹分享父母的愛，才做出儍事。
想不到趙頌茹小時候妒忌心十分重，她一向獲父母寵愛有加，但五歲時妹妹出生後，阿Yu覺得妹妹搶走了父母對她的關心，所以童年中有段時間阿Yu不喜歡說話，天天在學校哭，覺得自己很慘，竟然令老師懷疑她被父母虐打或是患上自閉症。
阿Yu日前笑說：「我細個時覺得阿妹一出世就好似攞走晒爹哋媽咪對我嘅關心，覺得自己好慘，所以小學上堂時會唔出聲，如果唔係就成日喊。當時老師問我媽咪，話我係咪有自閉症，抑或係俾佢哋虐打，𠵱家講番以前啲嘢，先知自己嗰時咁儍。」
問阿Yu當時是否很討厭妹妹？她坦白說：「係㗎，雖然阿妹細我五年，但嗰時我睇唔過眼爹哋媽咪關心佢多啲，所以成日整蠱阿妹。好似將杯可樂加咗啲涼茶畀佢飲，哈哈……不過，阿妹都唔知，淨係話啲味好似怪怪地咁。諗番起都覺得細個做啲嘢好白癡！」
此外，阿Yu坦承小時候的她十分百厭，她說：「我玩Barbie公仔時會幫佢哋剪頭髮，有時重會吹埋頭，試過吹燶咗Barbie啲頭髮㖭，好似虐待公仔喎！」
採訪：陳梅香
