向海嵐朝朝見父母

向海嵐朝朝見父母

向海嵐昨日在清水灣電視城為無綫新劇《鳳舞香羅》開工,今日是其父生日,問她會如何與父親慶祝?她說:「冇呀,近排都要拍劇,想同屋企人食飯都冇時間。」
向海嵐續說:「之前買咗部三頻電話送畀佢,不過連教佢點用都唔得閒,爹哋會喺今個星期五返加拿大,父親節都唔可以同佢一齊慶祝,希望星期四可以一齊飲茶啦。」

喜獲家人諒解
問向海嵐有否被家人責怪太忙?她表示沒有,並說:「佢哋好好,有時間佢哋都會叫我休息,話做嘢緊要。佢哋朝朝都會早啲起身望一望我㗎。」
採訪、攝影:汪正文