喺話題電影《美國黐Gun檔案》入面亮相嘅美國搖滾怪人MarilynManson，最近推出嘅新碟《TheGoldenAgeofGrotesque》，銷量橫掃全球唔少地方，先後登上美國、德國、意大利、瑞士同奧地利嘅唱片榜冠軍，MarilynManson總算飲得杯落啦，而我羅拉最近睇佢首新歌《Mobscene》嘅MV嗰陣，重畀入面玩嘢嘅概念笑到碌地㖭。
我羅拉身為MarilynManson嘅fans，真係一路睇住佢紅，其實以前佢嘅音樂同形象，比𠵱家恐怖好多倍，不過MarilynManson都唔想獨沽一味扮喪屍狂sell好Gothic同吵耳嘅工業搖滾，佢𠵱家都會喺歌曲同MV入面增加唔少幽默元素。
好似喺《Mobscene》嘅MV入面，除咗有性感女郎嘅香豔場面之外，重搵咗成班靚女伴舞，十足十奧斯卡最佳電影《芝加哥》咁，但MarilynManson又同班女郎化咗個怪妝，個口大到好似扭曲咗咁，重搵連體怪妹做埋dancer，真係恐怖之餘又十分過癮！