白鴿黨前主席李柱銘馬丁目前人在華盛頓，佢都可算係馬不停蹄，剛出席完斯里蘭卡嘅CALD周年會議，又即刻飛咗去美國就二十三條作最後游說，真係辛苦。
同佢一齊去斯里蘭卡嘅單仲偕同八方講，呢個全名CouncilofAsianLiberalsandDemocrats嘅組織大約十年前成立，大部份為當時反對派或異見人士，如金大中、民進黨等，由於有得選舉，佢哋當中唔少都有機會執政，咁當然白鴿黨就冇咁好彩，佢哋因為受基本法限制，只可以觀察員身份參加，而馬丁就負責主持當中一節討論。
單仲偕話，有一件事足以反映佢哋唔係只識「唱衰香港」。話說今次會議上有台灣代表想通過一個議程，畀台灣加入世衞打沙士，但係佢同馬丁都認為唔妥，重指出只有主權國可參加，結果要改字眼再作討論。
（圖）馬丁日前喺斯里蘭卡出席CALD周年會議，𠵱家又已身在美國。
傳真︰2623-9278
電郵︰