記協呢個星期五會一如以往喺洲際酒店舉行三十五周年晚會，今次嘅表演節目好似幾有睇頭，特別係籌款部份，都相當有新聞性，竟然搵咗鍾尚志醫生、陳以誠醫生以及一批醫護人員合唱一曲《眾志成誠抗肺炎》。
佢哋又搵到正忙於為《基本法》二十三條四處奔走嘅大律師公會前主席湯家驊，以及老拍檔立會秘書長馮載祥同台合唱一曲。
八方其實都好想見吓湯家驊，最近佢喺一篇文章入面話自己都係好膚淺嘅人，你話老董係唔係迫到班精英死晒？
當然好戲在後頭，九鐵主席田北辰（圖）會高歌一曲已故藝人張國榮嘅名曲《風繼續吹》，而主禮嘉賓廖秀冬亦會壓軸表現彈鋼琴，但未知彈邊首歌。除咗以上嘅節目之外，重有李暉表演太極，歌星林志美獻唱，重有交響樂聽㖭。
傳真︰2623-9278
電郵︰