新近在港推出嘅歐寶Vectra備受車迷追捧，而且重賣個滿堂紅㖭！但最近外國方面就有消息傳出，話新車為與向來有狠辣跑車美譽嘅寶馬M3抗衡，預期會於2004年期間，將有一款強化型號推出市場。
呢款辣版歐寶Vectra，將由歐寶廠方御用嘅Irmscher公司負責；而從相片中可以睇到，新車裝有極具動感嘅全車包圍外，響四輪18吋合金胎軨同埋左右雙出式尾喉襯托下，一派高性能房跑車形象徹底展露於人前。據聞車廂布局亦會稍作修改，但仍有待有關方面公布進一步資料後，方可作實。不過最吸引嘅，會係呢部辣版歐寶Vectra，雖有望沿用現有一台3.2公升V6偈，但響一套Kompressor裝置輔助下，馬力輸出會由原來嘅211匹，激增至約290匹咁多㗎！絕能迎合追求高性能表現嘅用家口味呢！