宣萱（Jessica）說自己最大的享受，是有一副靈敏的嗅覺，可以挑選自己喜愛的香味──檸檬香。在日常生活中，洗頭、沐浴、甚至是她所飲的飲品，也以檸檬為主，由頭到腳都散發出清新的檸檬味。唔……真係好香！
記者：羅惠芬
攝影：陳偉強
化妝：KarmenLeung@TripleEdge
髮型：Aaron@Hip（T.S.T）
服裝提供：MissSixty
場地：House@HenryHouse
Jessica話佢自己好鍾意四圍聞，食飯前一定會先聞吓啲飯菜，買護膚品也要睇佢香唔香，香味對佢來說，是最大的享受。佢最愛的味道，原來是檸檬香，從飲品、洗頭水到沐浴產品，統統都揀檸檬味的。但說到最大的享受，則是每次浸浴的時候。「我會在水中滴些檸檬香薰，四周點上蠟燭，再播放一些柔和音樂，慢慢享受同Relax。」
自言無水不歡的宣萱，深明好多人嫌水味道太寡，所以特別以自己最愛的檸檬和西柚作材料，為大家示範一款凍飲：檸檬西柚汁。
材料：西柚汁半杯、梳打水半杯及檸檬半個。
Jessica說為怕被Fans認為不修邊幅，上街都會以淡妝示人。「我鍾意自然的妝容，眼部會用啡或PastelColour，亞洲人好受這兩隻色；唇就以淺粉紅為主。至於一切跟鮮紅有關嘅顏色，我都會拒絕，以免太濃太娘。」
宣萱拍照都是笑面迎人，看得多都會發現，她有一副很白很整齊的牙齒。她的護牙心得，原來是靠一班鬼妹仔。「細個唔鍾意刷牙，每次都要三催四請至動手。」直至13歲到外國讀書，見到同學仔個個一日刷兩次牙，Jessica才改變過來。「我棚牙其實有點黃，但咁先靚先自然，太白反而太假。」
Jessica之所以咁有觀眾緣，一頭長髮可謂居功不少。唔信？有相為證㗎！
查詢：
GiorgioArmani 29713803
RalphLauren 29713803
Head&Shoulders 25833583
RMK 28106690