上周五林子祥（阿Lam）在汪明荃演唱會舞台上失足跌下，頭部受傷，目前仍在留醫，情況穩定。意外後，有人歸咎於譚詠麟（阿倫）當晚遲到，要阿Lam頂替所致，昨日阿倫表示自己並沒有遲到，故問心無愧。
上周五林子祥擔任汪明荃個唱嘉賓時，失足跌落八呎深的舞台機關，被送入法國醫院深切治療部留醫。而出事當日，有傳因譚詠麟遲到要改動節目編排，故阿Lam才發生今次意外。
昨日阿倫在助手的陪同下，到醫院探望病榻中的阿Lam，逗留了二十分鐘便離開。對於有人將阿Lam受傷的責任歸咎於他身上，阿倫說：「我事實上真係冇遲到，係佢哋以為我遲啫，我去紅館途中一直同助手保持聯絡，重叫助手千祈唔好改rundown。」
阿倫續說：「我去到重見到阿姐跳拉丁舞，所以我冇遲到。唔通今次喺台上出事嘅係我，咁就啱咩，總之我問心無愧！」
阿倫昨日與李克勤和梁琤到港台出席活動時，透露阿Lam的情況已好轉，阿倫說：「我噚日（即前日）帶咗束花去探佢，重同佢傾偈，佢聽到嘢，見到我時兩撇鬍鬚重郁嚟郁去㖭！」
另外，劉德華昨日往新城接受薛家燕主持的《家天下》節目訪問，華仔表示阿Lam發生意外時，他已即時在後台了解情況，他說：「當時佢個頭有少少損咗，但冇乜明顯傷痕，Sally（葉蒨文）情況都OK，反而阿姐（汪明荃）比較擔心。我去探阿Lam嗰時，佢瞓緊覺，但後尾都起咗身同我打招呼，佢同我講淨係掛住屋企張床。」
華仔提及當年他開個唱時亦曾發生意外，他說：「當時喺第一場，有個細路由觀眾席跌落嚟，但最後一場佢已經唔喺度。」問他是否百感交集？他說：「唔係，意外係冇人想發生。」
對於有傳張栢芝與向華強兒子向展平拍拖，近日與栢芝一起拍攝電影《大隻佬和尚》的華仔即表示並不清楚。
採訪：駱華齡、馮美茵
攝影：林德雄
