外號叫「阿盲」嘅無綫電視體育新聞報道員伍晃榮，原來已經過晒六十歲退休之齡，重成日有人傳佢會退休，但次次都搞錯。
阿盲的確有佢一套個人風格，好悶嘅波都講到眉飛色舞。但係正如佢接受浸會大學《新報人》訪問話，人總係有退嘅一天，因為佢做呢行已做咗四十三年。
原來阿盲六十年代中學畢業後，就膽粗粗考入英文《虎報》做體育記者，四年後轉投商業電台，可算係商台新聞部第一批港聞記者。
做咗咁多年新聞，當然考阿盲唔起，反而執教珠海書院一年，就令佢投晒降，猛話「好辛苦」，原因係報新聞只講幾分鐘，教書要企喺度講足個半小時，講到口水乾。唔教書，退休後做乜嘢好？阿盲諗到不如出書，寫吓坐喺佢旁邊報新聞嘅葉雅媛、陸嘉敏或者袁志偉，但諗諗吓，佢話都係唔好，怕人哋唔高興喎。
（圖）講波生鬼嘅伍晃榮，入行已經四十三年。
資料電視圖片
傳真︰2623-9278
電郵︰