「十幾年來未見過娣姐病過，估唔到一病就……」與娣姐共事二十年的根叔強忍淚水說：「佢病情嚴重時，佢好辛苦對我講，有好多嘢想去做、好多嘢未放得低，唔想就咁去！」在沙田威爾斯醫院深切治療部負責照顧娣姐的根叔對於失去一位好同事兼好友禁不住老淚縱橫。
他語帶哽咽又說：「佢成日叫同事唔好行近佢，小心傳染，真係估唔到佢都『打輸』！」被「沙士」奪去生命的威院病房服務員王庚娣，在眾同事眼裏是一名樂觀、身體強健、工作搏命而細心的「開心果」。
差不多與娣姐同時進入威院工作的根叔，昨日出席娣姐的悼念會後，心情沉重地說：「娣姐今年三月因照顧病人而感染，不久就入深切治療部，她同其他被感染的同事一樣，互相鼓勵，互相關心支持，眼見好多同事都冇事出去，佢亦成日話會冇事嘅，真係估唔到會咁！」目前唯一令根叔值得欣慰的是，娣姐的家人可以送其最後一程，希望她在九泉之下早日安息。
「被『沙士』擊中，娣姐真是唔好彩！」娣姐另一位同事譚先生對失去一位同事感到十分痛心，他形容「沙士」簡直是一個陰險的炸彈，令人防不勝防，就算感染了都不知道。譚生說：「娣姐當初同其他同事一樣，對付『沙士』都像盲公過河，摸吓摸吓，大家心裏壓力好大，想不到娣姐竟也被擊倒。」
本報記者