陳慧琳 ：我希望阿Lam可以早日康復，演唱會舞台真係好多機關，我都試過差錯腳，鍾珍（經理人）都試過差錯落樓梯，隻腳痛咗成年。我以後喺舞台都要打醒精神。
黎明 ：我會慰問吓佢，做演唱會真係要有充份時間了解舞台，有時歌手太投入唱歌會睇唔清楚。冇人想有意外，所以我做演唱會一定會戴耳機，方便接收突發通知。演唱會應有監督睇住，我每次會親身帶舞蹈員行一次舞台。
李克勤 ：我喺第一晚去探過阿Lam，之後打電話慰問，好多朋友都打電話問我阿Lam嘅傷勢，佢要觀察多幾日。
梁漢文 ：我嚟緊禮拜六要錄《勁歌金曲》，本來有一個環節我諗住扮阿Lam，重諗住唱《十分十二吋》，但係𠵱家阿Lam咁，我都係決定唔扮阿Lam，不過我重未諗到扮邊個藝人。不過點都好，真係好希望阿Lam冇事啦！