遲吓香港汽車界，又會少咗一位資深嘅猛人喇！亞Mark所指嘅，係由原來太古汽車轉投至森那美集團，出任顧問一職嘅IanSkeggs（施紀賢）；想當年亞Mark入行，IanSkeegs經已係領導英之傑GroupB汽車集團嘅總舵手，旗下重有獨當一面嘅WilsonMok（莫Sir）、Raymond鄧及KennethAu等人㖭！呢位車行中嘅好好先生，人緣又好又親民，今趟決意返回老家英國之前，一班車行中嘅「老外」，以及昔日一班太古汽車舊將，重響上周初分日同佢及太座Farewell㖭！雖然佢臨別香港前，未能替森那美取得富豪來年嘅香港代理權，惟IanSkeggs對香港汽車業貢獻良多，真係值得新入行嘅後輩學習㗎！據知遲吓佢有意往澳洲發展，亞Mark在此祝願佢事事如意啦！