鄭希怡（Yumiko）、黎明和鄭中基等前晚在淘大花園演出無綫節目。最近搬新屋的Yumiko表示希望老闆楊受成送她一套數萬元的HiFi音響組合，方便練歌用。而鄭中基因肚痛表演後要立即往看醫生。
黎明、鄭希怡、陳慧琳、許志安、鄭中基和李克勤等，前晚齊集九龍灣淘大花園演出無綫慈善節目《公益金疫境同心濟社群》，為淘大居民打氣，部份歌手演出後往鴻星酒家出席慶功宴。
Yumiko近日搬往西半山列堤頓道，新居月租二萬多，前晚她公開表示希望英皇老闆楊受成可送她一套約數萬元的HiFi音響組合。
Yumiko說：「楊生都未送禮物畀我，我希望收到HiFi，但唔好送迷你嗰種。我哋做歌手嘅要練歌，所以有套HiFi係好啲嘅。」問Yumiko可會抗拒男士到訪香閨，她說：「我會將女性用品收埋先，一班朋友嚟就可以，單拖嘅男士就唔好啦，無謂引人遐想。」
近日有傳黃伊汶和Yumiko爭做樂壇舞后不和，前晚二人有傾有講，黃伊汶說：「平時我哋都有傾偈，交換吓心得，所以將我哋歸為同一類，容易比較，都係良性競爭啫。」
鄭中基前晚演出時肚痛，完騷後即往醫院求醫，醫生給他止屙藥，昨日他取消所有工作休息。鄭中基昨日在電話中說：「之前睇中醫食咗啲中藥後就不停屙，噚晚（即前晚）好肚痛，可能我唔受得啲中藥，睇完醫生食咗藥，休息吓應該就會冇事。」
此外，黎明表示支持政府重罰垃圾蟲，他說：「人有自我約束力，但係政府幫吓手提醒吓都好。我以前讀書時燒烤都試過俾人捉我亂拋垃圾，不過都係警告吓啫。」他又認為非典型肺炎疫情雖已受控，但勸喻巿民不可鬆懈。
採訪：卓寶花、李珮洳 攝影：林德雄、仇志德
