古天樂昨日於油塘拍攝《吻得到愛不到》MV，與女舞蹈員大跳辣身舞，古仔表示曾經構思整個MV都是接吻鏡頭，但自己就不會參與其中，最後他決定模仿魚水之歡後的占士邦拍攝。
古天樂昨日身穿一件黑色西裝外套配黑西褲在油塘拍攝新歌《吻得到愛不到》MV，十分有型。當記者問古仔的造型是否參照占士邦時，他笑說：「我呢個造型係似占士邦同邦女郎上完床之後趕唔切着衫，就係咁樣啦！」由於古仔於MV中要與女舞蹈員跳辣身舞，問他花了多久排練時，古仔再次笑說：「冇排過喎，因為排得太耐嘅話就會變得唔辣身。」
古仔表示於下月會放幾星期大假，到時他將會與父母去旅行，他說：「到時應該會同佢哋去歐洲，我會請一個導遊帶我哋去，而我阿媽就講到明要去米蘭，因為佢話嗰度多嘢買，而我阿爸就唔鍾意買嘢，佢淨係會捉我去飲咖啡，所以我同佢哋去旅行就會一日食足八餐。」
此外，有報道指古仔與鄭秀文（Sammi）在拍攝電影《戀上你的床》時，沒有交談，他對此說：「你去問番寫嗰啲人啦，一時又寫我哋去卡拉OK，一時又話我哋唔講嘢，寫啲嘢都唔一致。」再問到古仔對於許志安稱Sammi為舊愛時，他說：「冇回應。」
採訪：李珮洳 攝影：仇志德
