估唔到商場經驗豐富、兼且出名「有嗰句講嗰句」嘅有線寬頻主席吳天海都會俾聯交所「將軍」。
事件緣於上星期四有線股東周年大會，有記者問吳氏「（母公司九龍倉）會唔會私有化有線，解決公眾持股量過低嘅問題？」吳天海自然好老實咁講：「技術上，呢個係可行嘅辦法，但就唔會回應呢條問題。」吳生以為咁答就一定OK，點知聯交所都係要有線出通告澄清。八方聽聞，有人對呢件事好唔開心，因為「若果咁都要澄清」，以後唔知可以點講。
八方喺五月三十日去九龍倉股東會，只見主席吳光正同晒所有董事傾偈，惟獨冇同身旁嘅吳天海講過嘢，唔知同呢件事有冇關係呢？
不過，八方覺得此事孰是孰非，實在好難講，但若聯交所要「執得咁正」，咁就唔該切勿大細超，總之大藍籌好、二三線公司又好，最好一視同仁。
傳真︰2623-9278
電郵︰