當知道有化妝品店開倉大減價，身邊的女性朋友便兩眼發光，追問地點、價錢。不過，聽到是東英大廈商場內的化妝品店時，她們即眉頭緊皺，失望地說：「我知道邊間，但好似好舊、好Out喎！」無錯，「東英化粧」有二十多年歷史，店舖裝修如傳統藥房般唔Trendy，但開倉大減價最緊要夠平同貨多，新貨出血勁減，真是懶理佢係咪「老牌」。
記者：李敬賢 攝影：黃子偉
Model：Cherry&Gigi（Imagine）
逢星期一至三刊出
「東英化粧美容香水店」開業二十多年，其實名氣不少，很多人也認識這家老牌化妝品店舖，今次還是首次開倉大減價。老闆許先生說，看看今次開倉成績如何，日後可能還會有其他新搞作。
如「東英」這種舊式化妝品店，香港已經買少見少，許老闆亦見證了香港化妝品店的變遷：「以前賣化妝品是跟西藥一齊賣的，售貨員以男士為多，買化妝品的多是年紀較大的女士，𠵱家唔同嘞，買化妝品的愈來愈年輕，又有專門店，售貨員全部都係女性㖭！」
美容產品並非只為女士而設，男士用的鬚後水、古龍水等都有大特價，踏入六月，正好趁機選購一份充滿男人味的父親節禮物。
Dunhill洗頭水
原價：$160 開倉價：$48
店舖：東英化粧美容香水有限公司
地點：尖沙嘴東英大廈商場G6-8號
電話：23681468
日期：即日至6月30日
營業時間：星期一至六10:00am-8:00pm、星期日及假期10:00am-7:00pm
付款方式：只收現金
所有貨品數量有過百件，而開倉減價又為期一個月，但貨品售完即止唔會添貨，而且每種減價貨品，每人只限買一件，有心水護膚化妝品想買多幾件，就要返轉頭幫襯。唔想到時無貨，唔好等到月尾先去入貨喇。