麥浚龍（Juno）昨早原本出席在尖沙嘴舉行的「小熊國群熊匯聚創世紀」慈善活動，與蕭正楠碰面，但Juno卻未見出現，似有避見蕭正楠之嫌。
Juno昨早往沙田出席另一活動時被問及是否避見蕭正楠？他說：「冇咁嘅必要，因為我起身發覺有啲唔舒服，所以去咗睇醫生。嗰個活動有好多小朋友，如果傳染畀佢哋就唔好，醫生話我係感冒，所以冇出席呢個活動。」
另一邊廂，蕭正楠和E-Kids昨日往尖沙嘴出席慈善活動，蕭正楠最近拍攝新片《非典型男女》，有報道指該片早前在眼科醫院借景，但事後地方遭弄污，器材亦遭弄壞，因而被投訴。
對此蕭正楠昨日說：「係去過眼科醫院一次拍外景，當時只係拍走廊戲，走廊只得一部汽水機，拍完戲都有執番好啲嘢。」
採訪：胡比 攝影：何國豪