明年立法會選舉，「飛天朱」朱幼麟已經表明有意參選新界東嘅直選議席，噚日以招牌「飛天」宣示決心，由馬鞍山一個山頂乘滑翔傘飛到西貢市中心球場，象徵「空降」新界東選區。
「飛天朱」由兩點幾開始起飛，飛咗四十五分鐘，過程可謂驚險百出。開始飛時風勢強勁，達到每小時三十公里。飛飛吓，又變咗逆風飛行，搞到佢一度唔能夠降落，喺西貢市中心上空盤旋咗好幾個圈。
飛天朱後嚟講，話當時半天吊好擔心，萬一降落唔到市中心，就要降落大海。好彩終於可以順利落地，否則未能「空降」新界東而墮海，你話幾唔老利。
傳真︰2623-9278
電郵︰