二十三條出咗藍紙草案後，好多法律團體、民間組織，學生代表想請保安局局長葉劉淑儀出席論壇，但葉太貴人事忙，真係八人大轎都請唔到。但係要請佢老人家真係咁難咩？好似港大圖書館嘅讀書分享會，就請得郁葉太六月五日去講下讀書心得。
葉太去講書，就梗係講番書，佢會向同學推介VirginiaWoolf等幾位作家作品，原來呢位Virginia係女性主義作家，書中有個精闢結論：「女性要寫作，一定要有錢和自己嘅房間」。我哋葉太咁硬朗，梗係啱睇。原本有班請她去講二十三條嘅學生，諗住借呢個黃金機會，乘機「熱烈歡迎」局長，但咁啱佢六五去港大，呢班學生喺六四晚怕且已做到殘晒，最後都係唔搞咁多嘢。
傳真︰2623-9278
電郵︰