曾有朋友慨歎：「減肥係我終身事業，但我注定事業失敗！」這位朋友的屋企是典型「無飯家庭」，一日三餐出街搞掂，外出用膳多油多肉，所以減肥美夢總是落空。其實這位朋友不用如此苦惱，出街無論食中、西、日本或泰國菜式，只要識得「揀飲擇食」，想瘦身都好容易。減肥，其實唔使食得悶，大快朵頤絕對唔係難事！
開日本料理菜館的Tammy直言，她跟香港一眾女士般，經常嚷着減肥，鑽研不同飲食與減肥的書籍外，平時進食又會為自己計算食物卡路里。本着推己及人的精神，Tammy都希望光顧的食客，吃得滿足之餘又唔怕肥，她說：「五年前剛剛開舖時，都冇諗過食物肥唔肥的問題，不過，近年瘦身減肥咁盛行，自己又成日減肥，我都希望人哋食完會瘦啲又健康啲，唔好食完我啲菜式後發胖。」
一般日本菜用料以蔬菜海鮮為主，除了鐵板燒及牛柳外，也不是令人肥胖的食物，烹調以燒烤與水煮為主，健康又不油膩，而Tammy更特別注要材料配搭的卡路里含量，連營養師也確認Tammy設計的是屬瘦身菜式。
Tammy特別強調：「就算減肥都要食得飽，一定要補充蛋白質。如果無嘢食，捱餓之餘又會好悶，減肥決定就難以持久，又唔健康，但可以從食物選擇中控制熱量。」Tammy真的是過來人，正好說中我們的苦況與心聲。
（右）沙甸魚刺身$75 80卡路里
五、六月是吃鰹魚與沙甸魚最佳季節，鰹魚配以檸檬及醋吃，沙甸魚剁碎後以薑葱調味，鮮味得來又唔怕吃胖。鰹魚只有很少脂肪，油份少但高蛋白質，而沙甸魚就含有很高的鈣質，每客刺身也只有80卡路里。
酸梅碎加入左口魚魚茸中，混合了紫蘚葉碎很惹味。左口魚少脂肪但蛋白質含量豐富，材料連醬汁只有26卡路里。
秋刀魚以少許鹽調味後燒熟，加入大量番茄、生菜、日本海帶等高纖維的材料造成沙律，份量十足，難怪Tammy說：「唔少客人只食這個沙律已經夠飽，日日食都冇問題！」秋刀魚含豐富維他命，而蔬菜纖維有助排毒，一客沙律有148卡路里。
Tammy形容這道菜有最佳的排毒效果：「這個雜錦鍋的溫室菇、冬菇及金菇，就好似掃把一樣，把體內的毒素掃走。」並有豆腐加入鍋中，令人有飽肚的感覺，但只有86.5卡路里。
揀低卡食物：日本菜中，海膽、茄子及毛豆都是蛋白質含量高而卡路里低的食物，Tammy大力推薦。
揀白色魚吃：愛吃刺身又唔想肥，就要挑白色的魚來吃，色彩鮮豔如三文魚、吞拿魚等更容易令人肥胖。
戒凍飲：曾有營養師告訴Tammy，想去脂肪減肥，就要戒凍飲，因為凍飲會令體內脂肪凝固，更難燃燒。
順日本料理
地址：天后電氣道56號地下
電話：22346691
CafeZambra明天起推出「完美纖體套餐」（SlimmingMenu），當中有齊一星期五天的早午晚餐菜單，列明每餐的卡路里含量，如果乖乖忍口，每餐之間唔吃零食，一天都只係吸收約一千卡路里，而且餐餐飽肚與色香味兼備。
CafeZambra本身是一間自助式咖啡店，來自新西蘭的老闆Jamie說得一口流利廣東話：「享受靚咖啡就要有好的食物配合，所謂好的食物，就要新鮮、健康、好味。」於是要為食客提供集健康與纖體的菜單。
法式吐司伴茄子 90卡路里
吃這個濃湯已令人有肚飽的感覺，湯內的蘋果粒酸酸甜甜，咀嚼時好有口感。
茄子茸加上芝士，味道濃郁，尤其適合愛好芝士的人士。
鱸魚以炭燒煮熟唔油膩，蕎麥麵比一般麵食澱粉質較少，可以食得更放心又唔怕肚餓。
脆批用麥餅做成，餅餡有少量拖肥及一片香蕉，味道好rich，但原來只得102卡路里。
SlimmingMenu暫定只推出一個月，最好訂購套餐餐券，五日共十五餐費用$788（原價$1,020），三天共九餐費用$528（原價$612），若想只試吃一天三餐，費用則為$208。獨立一個晚餐則毋須預訂，費用為$98。
CafeZambra
地址：灣仔謝斐道239號地下
電話：25981322
印象中的泰國菜，咖喱加入椰漿很肥膩，難與減肥纖體扯上關係。在中環雪廠街開泰菜館的葉太教路，泰國菜也有清新瘦身的選擇，例如素菜與海鮮，只要調味得宜就同樣惹味，適合愛吃泰國菜但怕肥之人士。葉太介紹的瘦身泰菜，一般泰菜館並不常見，原來也是傳統古老的泰國菜，時下菜館也不多炮製。
以人手把西施柚拆肉，加入蝦米、乾葱、花生碎、白糖及少許紅椒粉製成，冇加沙律醬與橄欖油，味道酸酸甜甜又清新，素食者可要求唔加蝦米。
以大蝦、南瓜、節瓜及香料Holybasil作主要材料，加入攪碎的乾葱、蝦米及胡椒粒煮成的清湯，有驅風功用。
泰國南瓜刮空中央種籽後當容器，再加入鮮蛋、椰汁及少許糖炮製燉蛋，煮熟燉蛋後切開一片一片連皮吃，有鮮蛋及椰汁香味又不會太甜，而南瓜的維他命A含量高。
THANYING泰菜館
地址：中環雪廠街38號地下
電話：25225073
註：由現在至6月30日全店食品均有七折。
中藥愈來愈受重視，甚至成為家常小菜與甜品款式。陳先生喜歡鑽研中藥，平時又愛下廚煮幾味，順理成章開店把兩者合二為一。快將六十歲的陳先生，中氣十足笑說：「我當年遊覽四川，『天府之國』有豐富藥材，觸發我發展藥膳飲食，但當時香港已有藥膳菜館，我最唔鍾意跟人尾的，一定要飲頭啖湯，所以決定搞甜品囉！」潮流興健康與減肥，陳先生正好利用藥膳，幫助不少食客健康地瘦身，同時調理身體。
一般生炒糯米飯也用上很多油，吃罷令人又滯又肥，但這個糯米飯只以少量油烹調，又無味精無色素，味道來自瑤柱汁，而且份量適中，吃一客也不怕肥。
高纖麵最巴閉的是不含減肥大敵「澱粉質」，百分之百由果殼纖維製造，亦不含油份，可選擇瑤柱汁醬汁撈麵或湯煮，麵的質感同樣爽滑。
天保九如湯$16
由十種藥材煮成，凍茶味道有如酸梅湯，有助去脂清腸胃。陳先生老實說，苗條茶不會即時見功，但每天飲一杯，十多天後人就會開始清減。
減肥更要調理身體，用十四種中藥製成的天保九如湯，能調和五臟、清腸胃及強化肝臟功能，連李嘉誠都係捧場客。
飴軒藥膳保健甜品
地址：灣仔蘭杜街2號麗都大廈7號地舖
電話：25274230