非典型肺炎病毒殺人於無形，令聞者色變。本港在這段前所未有的「疫」境中，除有賴無數醫護人員日以繼夜「瞓身」救治沙士（SARS）病人，社福界一群在前線為一些接受隔離觀察家庭（因家人懷疑或證實感染沙士），以及無依弱老提供上門膳食供應、個人衞生護理及家居清潔服務的家居照顧員，其忠於職守、無懼工作新挑戰的精神，同樣令人欽佩。
社會福利署的資料顯示，目前全港共有二十五支家居照顧隊，協助自我照顧有困難的人士及有需要家庭，解決日常生活所需。其中，救世軍大埔長者社區服務中心兩支綜合家居照顧隊，更專責服務一度有「最多沙士疫廈」之稱的大埔區。
對於要每天到高危地方工作，其中一名入職達十五年的資深隊員曾惜蓮向記者坦言﹕「初時都擔心，怕自己中招而且會傳染開去，所以前排我連家姑做大壽都冇出席。又因為我曾經上門接觸過一名沙士病人，被隔離咗十日，令家人好緊張。不過，呢段期間同親友嘅關係反而緊密咗。」曾惜蓮說雖多數與家人以電話聯絡，但也能感受到他們的關懷。
另一名資深隊員林麗嫦稱，全靠社區中心提供足夠抗炎裝備及指引，助她們不斷增添工作信心，「我記得三月中曾經去威爾斯醫院幫一位老人家攞藥，當時見到醫院好似變咗死城咁（受爆發非典型肺炎影響），有記者問我嚟呢度驚唔驚，我就答驚都要做，否則有需要嘅老人唔知點算。而中心好早已經提供口罩、保護衣、帽、眼罩、鞋套等裝備畀我哋，又有資訊供參考，令我哋識得教長者點用漂白水同改善個人、家居衞生，所以我哋愈嚟愈有信心喺前線服務。」
至於箇中難忘體驗，有六年多家居照顧服務經驗的葉親娜有感而發表示﹕「接受服務嘅老人家其實好為人設想，會問我哋驚唔驚（感染），叫我哋要小心。有位接受家居隔離、需要我幫佢買日用品嘅婆婆，見我嗰陣一直都戴住口罩，怕自己可能染咗病會傳染畀我，令我好感動。」
在旁的林麗嫦說﹕「𠵱家工作時間長咗，要帶齊裝備做嘢，但聽到啲服務對象講聲『唔該』或者『辛苦你囉，希望（香港疫況）快啲冇事喇』，我就覺得所付出係值得嘅，而且份工好有使命感。」
暖流熱線
電話:29908688
傳真:23702192
電郵:
網址：